التحرر من متلازمة الأخت الكبيرة / الأخ الأكبر

اتبسطت أوي إني عرفتك، ومن يوم ما عرفتك حاجات كتير أوي في حياتي اتغيرت ❤️ ونظرتي لحاجات أكتر اختلفت لما ابتديت أسمع وأعقل الكلام وأنفذه. مكنتش مصدقة إن بجد دنيتي تتظبط كده ❤️ شكرًا إنك في حياتي وإنك بتساعديني أطلع أحسن ما عندي ❤️ اكتشفت أنا جديدة؛ شخصية حلوة ومرحة والناس بتحب تصاحبها وتقعد معاها. عرفت معاكي إني لما بكون عايزة أعمل حاجة بعملها، طالما قررت خلاص مفيش حاجة هتوقفني ❤️

وده اللي بيخلق التغيير الحقيقي. عرفتك في وقت كنت فعلًا حاسة إني تايهة، مش عارفة أبدأ منين ولا أروح فين، ولا حتى أتخيل إن ممكن أخرج من اللي كنت فيه... وجودك جنبي كان فرق حقيقي، ووقفتك معايا في مواقف مكنتش عارفة أعديها لوحدي، وكنتي سند حقيقي. ساعدتيني أفهم نفسي، ونورتيلي سكك كنت شايفاها ضلمة، وخلتيني أحس إني مش لوحدي. وشكرًا من قلبي على كل لحظة دعم ودفء حسيتها معاكي ❤️❤️

من أجمل التجارب التي حصلت لي هذا العام هو أخذي لجلسات الاستشارات مع إيمان. إيمان كوتش غير عادي؛ تحس إنها عندها إجابة لكل تساؤل عندك، وتجاوب إجابات غريبة وغير متوقعة ولكنها منطقية. دائمًا أحس إنها فاهمة عمق تساؤلاتي وفاهمة سبب وجود هذه التساؤلات عندي، وأسلوبها وطريقتها تسمح لي أسأل أي سؤال يخطر في بالي لأنها تجعلني أشعر إن عندها قبول لي وليس لديها أية أحكام عليّ. بعد كل جلسة أجد عندي وضوح يجعلني أرى أمور حياتي بطريقة أفضل ويجعلني أراجع نفسي بطريقة أجمل. Her guidance always feels divinely aligned and deeply insightful. ممتنة لإيمان لوجودها في مسار وخط حياتي 🙏❤️

بصراحة مش عارفة أبدأ منين ولا أقول إيه! بس اللي متأكدة منه إن وجودك في حياتي عمل فرق كبير أوي، فرق ما كنتش أتخيله. من قبل ما أتعامل معاكي كنت في حتة تانية خالص، والحمد لله إني وصلت للي أنا فيه دلوقتي بفضلك بعد ربنا. إيمان مش مجرد واحدة بتدي نصايح أو شخص بتحكيله وتفضفضله؛ دي حد بيغير حياة. معاها حسيت إن مداركي وسعت وبقيت شايفة الدنيا بمنظور مختلف تمامًا، مش بس على مستوى الشغل والعلاقات والصحاب، لكن كمان اتغيرت كشخص. اتعلمت أكون أقل حكمًا وأكثر احترافية في تعاملاتي، ووقفتي جنبي في مواقف كتير مكنتش هتعدي بالسلام ده لو كنت لوحدي. وفوق كل ده، إنتِ السبب الرئيسي في إني اتجوزت الشخص اللي بحبه، ومستحيل جوازتنا كانت هتتم من غير مساعدتك ودعمك. من كل قلبي بشكرك على كل حاجة عملتيها معايا. ولو حد حاسس إنه محتاج مساعدة ومش عارف يبدأ منين، يكلم إيمان؛ هتنظمله دماغه وتساعده يفهم هو عايز إيه من الدنيا.

كلمتك وأنا دماغي مش بتسكت من كتر التفكير، جسمي تعبني ولا بنام ولا باكل ولا قادرة أسيطر على دماغي. قلتيلي حلول مكنتش عارفة إيه علاقتها بالموضوع وإزاي ممكن ده يساعد، بس صدقتك ومكنش عندي فرصة ولا طوق نجاة غير ده، لحد ما قدرت أمسك نفسي تاني وأسيطر على حياتي كأن حد كان سارقها مني ورجعتلي. حددت إيه الأولوية عندي وإيه اللي بجد عايزاه، وقدرت أعمله رغم إنه كان مستحيل. شكرًا من كل قلبي؛ سمعتيني مرة واتنين وعشرة، لا زهقتي ولا لخبطك كتر أفكاري. ربنا يجعلك نور دايمًا ينور الدنيا.

شكرًا من قلبي على مساعدة حضرتك طول الوقت ❤️ دايمًا بفتكر كلامك، وكتير لما بحس إني فخورة بنفسي ببقى عايزة أقولك إني بقيت أحسن كتير، وكل اللي حواليا ملاحظ ده، وكذا حد قريب علق لي بالفعل. استقبالي للأمور وردود أفعالي أهدى كتير، وتعاملي مع نفسي ومع الناس بقى فيه قبول وتفهم أكتر بكتير. بركز على نفسي وبلاقي الحاجات حواليا بتتغير لوحدها. نومي بقى أحسن، ومزاجي أروق، ونفسيتي مستقرة أكتر، واخدة بالي من أكلي وشعري طول 😁 بروح Belly dancing 💃 ورجعت أعمل voice over ❤️❤️

صباح الورد والجمال 🌹 حابة أعبر ليكي عن امتناني لكل خطوة مشيتيها معايا من سنة ونص، سواء على المستوى الشخصي أو على مستوى شغلي اللي كل يوم بتعلميني إزاي أسبق بعشر خطوات ❤️ ممتنة إني عايشة حياتي بدون مهدئ، وأدركت نعمة ربنا علينا في الحياة إن الواحد يعيش بمشاعره وأحاسيسه. رجعتيني إني أعرف أتعامل مع أولادي من أول وجديد بكل حب. أنا مش هقولك إيه اليوم الحلو ده؛ هقولك إيه السنة الحلوة دي ❤️❤️❤️